Des bin i 

I bin da Hubsi.

Aufg´wachsen bin i im Landkreis Dachau im Münchner Norden.

Ich hob mit 12 Johr o´gfangt Gitarre zum spuin , wos a unglaublich scheene Sach is !

Meine erst´n Auftritte und Erfahrungen in der Öffentlichkeit hob i mit da Jugend-Grupp´n in da Kircha g´habt,

wia se des für an Bayern hoid ghert.

 

Danoch hob i ziemlich fui auf Geburtstagsfeiern, Party´s, Grillfeiern, Hochzeit´n usw. aufgspuid.

Spuin dua i fast ois:

  -  oidboarische Stimmungslieder,

  -  boarischen und österreichischen Pop und Rock,

  -  englische wie deutsche 80er und 90er Hit´s bis hin zu aktuellen Hit´s.

Eben ois wos Spaß macht zum mitsinga und mitklatsch´n !

 

Spuin dua i:

  -  Konzert Gitarre

  -  6-saitige Western-Gitarre

  -  12-saitige Western-Gitarre

  -  Ukulele.

 

2014 hob i mit Freind ogfanga, englische Welt-Hit´s ins Boarische umzuschreiben, wos riesig Spaß macht.

 

Mit dera Aktion hob i fest´gestellt, dass da mehr is, was i zum son´g hob und hob o´gfangt, soiba Lieda zum schreib´m.

Mi ziagt´s jetzt einfach auf Bühne nauf und i wui Eich mit meine Aug´n de Welt zoang.

I schreib meine Liada in boarisch, weil i so am best´n son´g konn, wos i moan und wia i fui.

So san einige lustige, spaßige, manchmoi aber a nachdenkliche Lieder entstand´n.

 

Oiso, wenn i Eich jetzt neigierig g´macht hob und Ihr mehra von mia erfahr´n, oder hean wollt´s,

dann moid´s Eich oafach und mia machan wos aus.

Es dad mi narrisch gfrein !

 

Pfiad´s Eich dawei

da Hubsi

Druckversion Druckversion | Sitemap
© Hubert Müller